रिपोर्टर नेपाल समाचार
काठमाडौं । मौसमविद्हरूले नेपालमा १३ जुन (जेठ ३०) बाट मात्रै मनसुन प्रवेश हुने भएकाले देशभर अझै केही दिन गर्मी हुने बताएका छन् ।
मनसुन १३ जुनमा नेपाल प्रवेश गर्ने औषत समय भए पनि एक दुई दिन ढिला हुने देखिएको छ।
देशभर बढेको अधिकतम तापक्रम तत्काल घट्ने सम्भावना नरहेको बताउँदै मौसमविद्हरूले असार १ गतेदेखि भने देशभर वर्षा हुने जानकारी दिएका छन् ।
मौसमविद् शान्ति कँडेलले यस वर्ष अधिकांश भागमा सरदर भन्दा कम वर्षा हुने र सरदर भन्दा बढी अधिकतम तापक्रम हुने देखिएको बताइन् ।
मनसुन अहिले भारतको केरला आइपुगेको छ। यसपटक मनसुन भित्रिए पनि केही दिन पानी परेर फेरि सुक्खा हुने देखिएको मौसमविद्को अनुमान छ ।