रिपोर्टर नेपाल समाचार
काठमाडौं । नेपाली कांग्रेसले मंसिर ४ गतेको चुनावमा पार्टीका आधिकारिक उम्मेदवारविरूद्ध बागी उम्मेदवार दिएका पाँच जना सदस्यलाई कारबाही गरेको छ।
कांग्रेसले पार्टीको निर्णयविरुद्ध लागेको भन्दै बागी उम्मेदवारी दिएका, तिनका समर्थक र प्रस्तावकमाथि कारबाही गरेको हो ।
कांग्रेसले विज्ञप्ति जारी गर्दै महासमिति सदस्य हुम्लाका मंगलबहादुर शाही, बाराका धर्मेन्द्रप्रसाद यादव, बाराका रवीन्द्रप्रसाद यादव, बाराकै वीरेन्द्रप्रसाद यादव र राम एकवालप्रसाद यादव (शिल्पु) लाई ५ वर्षका लागि सदस्य समेत नरहने गरी पार्टीबाट हटाइएको जनाएको छ।