रिपोर्टर नेपाल समाचार
काठमाडौं । रामशाहपथस्थित महानगरीय ट्राफिक प्रहरी महाशाखाका दुई जनालाई कोरोना पुष्टि भएपछि कार्यालय नै सिल गरिएको छ।
बग्गीखानाका दुई जनालाई कोरोना संक्रमण पुष्टि भएपछि एसएसपी भिमप्रसाद ढकालसहित महाशाखाका ३७५ जनालाई क्वारेन्टिनमा राखिएको छ ।
महाशाखाका प्रमुख एसएसपी ढकालका अनुसार शुक्रबार २ जना ट्राफिक प्रहरीमा कोरोना संक्रमण पुष्टि भएपछि कार्यालयमा आउजाउ बन्द गरिएको छ भने महाशाखाका सबै प्रहरी २ दिनदेखि कार्यालयभित्रै छन्। संक्रमण पुष्टि भएका दुई जनालाई प्रहरी अस्पताल लगिएको छ।