रिपोर्टर नेपाल समाचार
काठमाडौं । गायिका वर्ता गन्धर्वले ‘नजाउ दाजु विदेशमा’ गीत सार्वजनिक गरेकी छन् ।
मीठो स्वरकी धनी वर्ताले यो गीतमार्फत विदेशिने दाजुभाईहरुलाई आफ्नै देशमा परिश्रम गर्न आग्रह गरेकी छन् । गायिका स्वयम् कै शब्द, संगीत र स्वर रहेको उक्त गीतको संगीत संयोजन मनोज साङसोन राईले गरेका हुन् ।
किङ रेकर्डिङ स्टुडियोमा छायांकन गरिएको गीतलाई सुरेश राईले रेकर्ड गरेका हुन् । जस्केला क्रिएसनले निर्माण गरेको उक्त गीतको भिडियो मिक्सिङ राजु कार्कीले गरेका हुन् । ‘भ्वाईस अफ नेपाल’मा समेत सहभागी भएकी उनी ‘लाइभ राउण्ड’को दोस्रो चरणबाट बाहिरिएकी थिइन् ।