रिपोर्टर नेपाल समाचार
काठमाडौं, २२ जेठ । भरतपुर महानगरपालिकाको वडा नं. १९ मा पुनः मतदान र मतगणना गर्ने निर्णय तीन दिनसम्म कार्यान्वयन नगर्न सर्वोच्च अदालतले अन्तरिम आदेश दिएको छ ।
न्यायाधीश चोलेन्द्रशमशेर जबराको एकल इजलासले भरतपुरमा पुनः मतदान गर्ने निर्णय खारेजी मुद्दाको सुनुवाई गर्दै तीन दिनपछि दुवै पक्षलाई बोलाएर अन्तरिम आदेश दिने कि नदिने भन्ने छलफल गरिने र त्यस बेलासम्म कुनै पनि काम नगर्न निर्वाचन आयोगलाई निर्देशन समेत दिएको छ ।