रिपोर्टर नेपाल समाचार
काठमाडौं, २१ जेठ । एमालेको भातृ संगठनले निर्वाचन आयोगले भरतपुर महानगरको वडा नं १९ मा पुनः मतदान गर्ने निर्णयको काठमाडौंमा विरोध प्रदर्शन गरेको छ ।
आइतबार काठमाडौंमा एमाले सम्बद्ध दुई संगठन युवा संघ र अनेरास्ववियुले विरोध प्रदर्शन आयोजना गरेको हो । भरतपुरको वडा नं १९ मा पुनः मतदान गर्ने आयोगले निर्णय गरेको छ भने एमालेले पुनः मतगणना गरिनुपर्ने अडान लिएको छ ।
एमाले कार्यकर्ताको समेत उपस्थिति रहेको उक्त र्याली प्रदर्शनीमार्गबाट सुरु भई पुतलीसडक, बागबजार हुँदै शान्तिवाटिका पुगेको थियो ।