रिपोर्टर नेपाल समाचार
काठमाडौं, १७ वैशाख । संविधान संशोधन विधेयकको पक्षमा मतदान गर्न राष्ट्रिय प्रजातन्त्र पार्टीले ह्विप जारी गरेको छ ।
राप्रपा सांसद् सुशीलकुमार श्रेष्ठले संसदीय दलको बैठकपछि संशोधनको पक्षमा मतदान गर्ने निर्णय भएको बताउँदै अनिवार्य उपस्थिति र पक्षमा मतदान गर्न ह्विप जारी भएको बताए ।
यसअघि सरकारमा सहभागी भएसँगै अघिल्लो संशोधन प्रस्तावको विपक्षमा उभिएको राप्रपा संविधान संशोधनको दोस्रो विधेयकको पक्षमा उभिएको हो । संसद्को चौथो ठूलो शक्ति राप्रपाका ३७ सदस्य छन् ।
सिंहदरबारमा बसेको संसदीय दलको बैठकले संशोधनको पक्षमा मतदान गर्न र अनिवार्य उपस्थितिका लागि सांसद्लाई ह्विप जारी गरेको हो ।