रिपोर्टर नेपाल
रिपोर्टर नेपाल
पाल्पा, २५ माघ । जन्ती बोकेको जिप पाल्पाको दोभानमा दुर्घटना हुँदा चार जनाको मृत्यु भएको छ । १६ जना घाइते भएका छन् ।
मंगलबार राति ज्यामुरेबाट विवाह सकेर जन्तीको बाजा बजाउँने समूहलाई घर पुर्याउने क्रममा लु १ ज २६८९ नम्बरको जिप दोभानको श्रीडाँडामा दुर्घटना भएको हो । जिप सडकदेखि करिब तीन सय मिटर तल खसेको छ ।
दुर्घटनामा जसविर बकावल मगर, मिनबहादुर थापा मगर, हरि बहादुर राना र यमबहादुर रानाको मुत्यु भएको प्रहरीले जनाएको छ । मृत्यु हुने सबैजना दोभान २ देउरालीका हुन् ।
घाइतेको लुम्बिनी अञ्चल अस्पतालमा उपचार भईरहेको छ । १६ जना घाइतेमध्ये चार जनाको स्थिति गम्भीर रहेको प्रहरीले जनाएको छ ।
प्रहरीका अनुसार अत्यधिक ओरालो भएका कारण ब्रेक फेल भएर दुर्घटना भएको हुनसक्ने अनुमान छ ।