एजेन्सी
वाशिङ्गटन, ४ माघ । अन्तिम पटक चन्द्रमा पुगेका जीन सरनान को ८२ वर्षको उमेरमा निधन भएको छ ।
अमेरिकी स्पेस एजेन्सी नासाले सरनानको परिवारबाट उक्त खबर दिएको हो । पारिवारीक श्रोतबाट प्राप्त जानकारी अनुसार सरनानको निधन हुदा उनको परिवार उनको साथ मै थिए ।
१९३४ मार्च १४ मा सिकागो नजिकै जन्मेका सरनानले आफ्नो करियरको सुरुवात अमेरिकी नौ सेनामा पायलटबाट गरेका थिए । पछि गएर उनी एस्ट्रोनट कार्पसँग जोडीन पुगे, सरनानले एपोलो १७ यानबाट आफ्नो सहयोगी अन्तरिक्ष यात्री हैरिसन स्क्मिटसँग १९७२ डिसेम्बर ११ मा चन्द्रमामा पाइला राखेका थिए ।
उनले लगभग ३० किलोमीटरको यात्रा गरेर चन्द्रमाको सतहको सय किलो भन्दा बढी ढुङगा र माटो जम्मा गरेका थिए ।