एजेन्सी
काठमाडौं, १५ पुस । ३५ रुसी कूटनीतिज्ञलाई अमेरिकी राष्ट्रपति बाराक ओबामाले देश निकाला गरेका छन् ।
अमेरिकी राष्ट्रपति चुनावमा हस्तक्षेप गरेको आरोपमा वाशिङटनस्थित दूतावास र सात फ्रान्सिस्कोस्थित वाणिज्य दूतावासका कूटनीतिज्ञलाई ७२ घण्टाभित्र परिवारसहित अमेरिका छाड्न भनिएको जनाइएको छ ।
दुई रुसी खुफिया एजेन्सीसहित ९ संस्थामाथि समेत प्रतिवन्ध लगाइएको बीबीसीले खुलासा गरेको छ । रुसी गुप्तचर संस्थाले न्यूयोर्क र मेरील्याण्डमा प्रयोग गरेको दुई आवास बन्द गरिनेछ । केहीलाई आर्थिक प्रतिवन्ध लगाइएको छ भने दुई रुसी परिसर बन्द गरिनेछ ।
अमेरिकी अधिकारीहरुलाई तनाव दिएको भन्दै रुसप्रती ओबामाले थप कदम उठाउने बताए ।
राष्ट्रपति भ्लादिमिर पुटिनका प्रवक्ताका अनुसार अमेरिकी कदमको उचित जवाफ दिने बताएका छन् ।