डडेल्धुरा, ३१ भदौ । डडेल्धुराको चिपुर गाविसको धारीमा बिहीबार बेलुका बाघको आक्रमणले १४ वटा बाख्रा मरेका छन् । दिउँसो जङ्गलमा चराउन लगेको बेला बाघले एकैचोटि ठूलो सङ्ख्यामा बाख्रालाई मारेको धारी गाउँका राम ऐडीले जानकारी गराए ।
बाघले चिपुर गाविस धारीका राम ऐडीका तीन, भोज साहुका चार, आम्मर ऐरका तीन, दान विकका दुई र दिनेश ऐरका दुई गरी १४ बाख्रालाई मारेको स्थानीय पीडितले जनाएका छन् ।
पछिल्लो समयमा डडेल्धुरालगायत विभिन्न पहाडी जिल्लामा बाघले पशुचौपायालगायत मानिसलाई समेत बेलाबेलामा आक्रमण गरिरहेका घटनाबाहिर आइरहेका छन् ।