दशौं एसियाली क्याडेट तथा सत्रौं एसियाली जुनियर जुडो च्याम्पियनसिपको जुनियरमा नेपालकी फुपु ल्हामु खत्रीले कांस्य पदक जितेकी छन् ।

भारतको केरलास्थित कोचीमा भएको प्रतियोगिताको महिला ६३ केजीमुनि फुपुले इरानकी खेलाडीलाई सिनेवाजाका आधारमा पराजित गर्दै कांस्य जितेको नेपाल जुडो संघका महासचिव धर्मकुमार श्रेष्ठले जनाएका छन् ।

१२ औं दक्षिण एसियाली खेलकुद ९साग० की स्वर्ण विजेता फुपुसंगै उज्वेकिस्तानकी खेलाडी संयुक्त रुपमा तेश्रो भए । कोरिया र काजाकिस्तानका खेलाडी क्रमशः पहिलो र दोश्रो स्थानमा रहे ।

प्रतियोगितामा नेपालको यो दोश्रो पदक हो । यसअघि क्याडेटतर्फ नेपालकी मनीता श्रेष्ठले महिला ५२ केजीमुनि नेपाललाई कांस्य दिलाएकी थिइन् । प्रतियोगिता आइतबारै सम्पन्न भएको छ ।