रिपोर्टर नेपाल

पोखरा, २५ माघ । यही माघ २७ गतेदेखि फागुन ८ गतेसम्म लेखनाथ उद्योग वाणिज्य सङ्घ, कास्कीको आयोजनामा सञ्चालन हुने १३औँ संस्करणको लेखनाथ महोत्सवको तयारी पूरा भएको छ ।

मंगलबार आयोजित पत्रकार सम्मेलनमा लेखनाथ उद्योग वाणिज्य सङ्घका अध्यक्ष लक्ष्मीप्रसाद त्रिपाठीले तीन सयवटा कक्ष बुकिङ भइसकेको जानकारी दिए । लेखनाथ नगरपालिकास्थित तालचोकमा हुने सो महोत्सव अवधिभर तीन लाख दर्शकले अवलोकन गर्ने अनुमान गरिएको छ ।

महोत्सव अवधिभर रु १५ करोडदेखि रु २० करोडसम्मको आर्थिक कारोबार हुने अपेक्षा गरिएको प्रचारप्रसार उप समितिका संयोजक भरतकुमार अधिकारीले जनाएको छ । महोत्सवबाट करिब रु ९० लाख आम्दानी तथा महोत्सव सम्पन्न गर्न रु ८० लाख खर्च हुने अनुमान गरिएको छ ।

लेखनाथ उद्योग वाणिज्य सङ्घका महासचिव छत्रधर आत्रेयका अनुसार महोत्सवमा कृषिजन्य वस्तुको बजार प्रवद्र्धन, आन्तरिक एवम् बाह्य पर्यटन प्रवद्र्धन, साहित्य, कला संस्कृतिको प्रचारप्रसार एवम् बजारीकरण गर्ने उद्देश्य राखिएको छ ।