एजेन्सी
भारत, २५ पुस । बन्दुकधारीको आक्रमणबाट भारत प्रशासित कश्मीरको अखनुर जिल्लामा तीन जना सैनिकको मुत्यु भएको छ ।
सेनाको जनरल इन्जिनियरिङ टोलीमाथि बटाला भन्ने स्थानमा गोली प्रहार भएको थियो । आक्रमणपछि बन्दुकधारी भाग्न सफल भएका छन् । आधिकारिक रुपमा केही बताइएको नभएपनि यो चरमपन्थी आक्रमण भएको अनुमान गरिएको छ ।
आक्रमणकारीलाई पक्रने उद्देश्यले सेनाले पुरै इलाकालाई घेराबन्दी गरेर सघन अपरेशन सुरु गरेको बताइएको छ ।
यस अघि सेप्टेम्बरमा उरी भन्ने स्थानमा भएको चरमपन्थी आक्रमणमा १७ सैनिकको मुत्यु भएको थियो भने अक्टुबरमा दक्षिणी इलाकाको शोपिया भन्ने स्थानमा चरमपन्थी आक्रमण हुँदा तीन जना घाइते भएका थिए ।