रिपोर्टर नेपाल समाचार
काठमाडौं । बुधबार १ लाख १ हजार ४ सय रुपैयाँमा कारोबार भएको सुनको मूल्य आज तोलामा एकैपटक ११ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार बिहीबार छापावाल सुन १ लाख २ हजार ५ सय रुपैयाँ पुगेको छ भने तेजाबी सुन पनि आज तोलामा ११ सय रुपैयाँले बढेर १ लाख २ हजार रुपैयाँ पुगेको छ ।
नेपाली बजारमा बुधबार लाख रुपैयाँ नाघेको सुनको भाउ बिहीबार प्रतितोला ११ सय रुपैयाँले बढेको हो । यस्तै बिहीबारै चाँदीको मूल्य पनि तोलाको ५० रुपैयाँले बढेर प्रतितोला १३ सय ४५ रुपैयाँ पुगेको छ ।