बलिका लागि ल्याइएका राँगोको मूल्य १ लाख

प्रकाशित मिति: १७ आश्विन २०७६, शुक्रबार

भक्तपुर । भक्तपुरको हनुमानघाटस्थित महेश्वरी खेल मैदान वरपरको चौर बाटोहरुमा दशैँका लागि एक हजारभन्दा बढी राँगाहरु भित्र्याइएको व्यापारीहरुले बताएका छन् ।

दशैँका लागि भक्तपुरमा राँगाको मासुको खपत अत्याधिक हुने गर्छ । नवमीका दिन नवदुर्गा मन्दिरमा राखेका खँमे जात्रा अर्थात राँगो जात्रा गरी ब्रम्हायनी मन्दिर लगेर नवदुर्गा गणले राँगो बलि दिने चलन छ ।

राँगालाई महिसासुर दैत्यको रुपमा लिने भएकाले पनि फुलपातीदेखि नवमीसम्म नै विभिन्न गुठी समुहहरुले टोल-टोलमा सामुहिक रुपमा राँगा कट्ने परम्परा रहेको छ ।

भक्तपुरमा पूर्वी जिल्लाका रामेछाप र तराईका विभिन्न जिल्लाबाट समेत राँगाहरु भित्र्याइएका छन् । ती राँगा न्युनतम २० हजारदेखि एक लाख रुपैयाँ सम्मामा बिक्री हुने गरेको स्थानीय व्यापारीहरुले बताए ।


तपाईंको प्रतिकृयाहरू

 

 

 

 


ताजा अपडेट