प्रम देउवा र अध्यक्ष गच्छदारले गरे पार्टी एकीकरण

प्रकाशित मिति: ३० आश्विन २०७४, सोमबार

काठमाडौं, ३० असोज । आज प्रधानमन्त्री शेरबहादुर देउवा र लोकतान्त्रिक फोरमका अध्यक्ष विजयकुमार गच्छदारको पार्टी एकीकरण भएको छ । प्रधानमन्त्री निवास बालुवाटारमा आयोजित एक कार्यक्रमबीच प्रम एवं कांग्रेस सभापति देउवा र लोकतान्त्रिक फोरमका अध्यक्ष गच्छदारले एकताको दस्तावेजमा हस्ताक्षर गरी पार्टी एकताको घोषणा गरेका हुन् ।

आइतबार नै पार्टी एकताको चर्चा चले पनि दुवै पक्षीयको वार्ता सफल हुन नसकेकाले आज पार्टी एकता भएको हो । एकीकरण पछि गच्छदारलाई उपसभापति दिने र लोकतान्त्रिक फोरमका १५ नेतालाई केन्द्रीय समितिमा ल्याउने समझदारी भएको छ । यस्तै आगामी प्रदेश तथा प्रतिनिधिसभा चुनावमा पनि फोरमको उचित प्रतिनिधित्व सुनिश्चित गराइने बताइएको छ ।

तर गच्छदारले भने निःशर्त एकता घोषणा गरिएको र एकता घोषणा गरिए पनि पदको बाँडफाँट नभएको बताएका छन् ।


तपाईंको प्रतिकृयाहरू

 

 

 

 


ताजा अपडेट