रिपोर्टर नेपाल समाचार
काठमाडौं, १८ भदौ । सर्वसाधारणलाई ठगी गर्ने गरेको सूचनाका आधारमा पछ्याउँदै गएको प्रहरीले दुई जना अवैध भारतीय रुपैयाँ कारोबार गर्नेलाई शनिबार पक्राउ गरी आइतबार सार्वजनिक गरेको छ ।
प्रतिबन्धित एक हजार र पाँच सय दरका भारतीय रुपैयाँको कारोबरमा संलग्न भएका उनीहरुलाई प्रहरीले काठमाडौंमा पक्राउ गरेको हो ।
महानगरीय प्रहरी अपराध महाशाखाले बाँकेका कृष्णकुमारी शर्मा र गोरखाका अर्जुन भण्डारीलाई कामनप–१५ अन्नपूर्ण चोकमा पक्राउ गरेको हो । प्रहरीले उनीहरुबाट ६८ लाख २० हजार भारु बरामद गरेको जनाएको छ ।